Borisov u ankua për presionin telefonik nga ministrat nga vendet e huaja

Në parlament, para debatit për mandatin e parë për formimin e qeverisë, lideri i GERB-it, Bojko Borisov, tha se deri në momentin e fundit ka pasur nj dëshirë të madhe për të pasur një kabinet, se ka bërë shumë kompromise me "Po e vazhdojmë ndryshimin - Bullgaria Demokratike" (PP-DB). Ka rënë dakord që Asen Vasilev të mbetet ministër i financave. Me kërkesë të Këshillit Atlantik, ai ka pranuar që Todor Tagarev të jetë në krye të mbrojtjes dhe Rumen Radev të vazhdojë të udhëheqë sektorin e energjisë. Borisov tha se PP-DB ka dëshiruar të emërojë Rumjana Bëçvarovën si ministre të brendshme. Politikani theksoi se me kërkesë të bashkëkryetarit të PP-së Kirill Petkov e kanë kërkuar ministra nga jashtë, duke këmbëngulur që Bëçvarova të jetë ministre. PP-DB kanë insistuar që të marrin Ministrinë e qeverisjes elektronike.