Artikull
Bullgarët në Kukës duan të kenë qendrën e tyre kulturore
Enjte 4 Prill 2024 06:51
Enjte, 4 Prill 2024, 06:51
FOTO: president.bg
Madhësia e shkronjave
Nënpresidentja Ilijana Jotova u takua me kryesinë e bashkisë shqiptare të Kukësit ku jeton pakica kombëtare bullgare. Ajo bisedoi me kryetarin e komunës së Kukësit Albert Halilaj dhe me nënkryetarin Agron Nuredinaj, i cili është pjesë e minoritetit bullgar dhe mbaroi arsimin e lartë në Bullgari. Mikpritësit e njohën Jotovën me përpjekjet që po bëjnë për përfshirjen e gjuhës bullgare si gjuhë të dytë në programin e shkollave shqiptare në rajonin e Gorës. Të dy theksuan efektivitetin e projekteve të përbashkëta me shtetin bullgar. Nënpresidentja theksoi se kjo mbështetje do të vazhdojë. Me ndihmën e Bullgarisë dhe përpjekjet e Ambasadës Bullgare në Shqipëri u ndërtua një kopsht fëmijësh dhe u rinovuan shkollat në vendbanimet e larta malore, ku njerëzit ruajnë gjuhën dhe traditat bullgare. Bashkësia lokale kërkoi ndihmë nga shteti bullgar për hapjen e një qendre kulturore bullgare në komunë. Gjatë bisedimeve, Jotova konfirmoi mbështetjen bullgare për integrimin evropian të Shqipërisë.
Nënpresidentja ishte në Kukës në vitin 2017 pas njohjes zyrtare të pakicës kombëtare bullgare. Jotova vizitoi Shqipërinë edhe në vitin 2023 para regjistrimit kombëtar në Shqipëri. Pritet që rezultatet zyrtare të regjistrimit të shpallen.
Lexoni më shumë:
Publikoi / Publikuan: БНР екип