KQZ është gati të zhvillojë zgjedhje dy në një

Nëse zgjedhjet për Parlamentin Evropian (PE) dhe Kuvendin Popullor janë në data të ndryshme, duhet të ketë të paktën dy ose tre javë midis dy votave, në mënyrë që procesi zgjedhor të organizohet mirë dhe të mos ketë tension. Në takimin me presidentin Rumen Radev, kryetarja e Komisionit Qendror të Zgjedhjeve (KQZ), Kamelija Nejkova, ka treguar se KQZ-ja ka gatishmëri për zhvillimin e zgjedhjeve "dy në një", të cilat janë më të përshtatshmet nga pikëpamja teknologjike dhe ekonomike.

Prokurimi publik për PE ka nisur më 15 mars dhe nuk ka asnjë mundësi ligjore për ta ndryshuar në “dy në një”. Përveç kësaj, kërkohet një kohë teknologjike midis 25 dhe 30 ditësh për të kryer ligjërisht procedurën. Prandaj, do të bëhet një prokurim i ri publik.