Maria Gabriel prezantoi projektin e parë të strategjisë së politikës së jashtme të Bullgarisë

Pjesëmarrja e plotë në Bashkimin Evropian dhe NATO, zhvillimi i partneriteteve strategjike dypalëshe me vendet e BE-së dhe krijimi i atyre të reja, mbrojtja e të drejtave dhe interesave të komuniteteve bullgare jashtë vendit, diplomacia kulturore dhe digjitale, komunikimi strategjik. Këto janë disa nga prioritetet në projekt strategjinë e politikës së jashtme të Bullgarisë 2024-2030, të cilin e prezantoi zëvendëskryeministrja dhe ministrja e jashtme në dorëheqje Maria Gabriel.

Dokumenti i parë i tillë në historinë e vendit tonë është përgatitur pas një diskutimi të gjerë ekspertësh dhe publik dhe synon të rrisë parashikueshmërinë dhe mbështetjen për politikën tonë të jashtme.

“Si anëtare e BE-së dhe NATO-s, Bullgaria ka qëndrimet e saj të qarta. Liria, demokracia, paqja nuk mund të merren si një dhuratë, prandaj edhe Bullgaria ka nevojë për një qëndrim të qartë kur shkelen këta kufij”, tha Maria Gabriel.