Ish-ministrat nga kabineti Denkov u kthyen në bankat parlamentare

Në fillim të seancës parlamentare, kryeparlamentari Rosen Zheljazkov uroi besimtarët myslimanë për festën e Ramazan Bajramit. Ish-kryeministri Nikollaj Denkov dhe ish-ministri i financave Asen Vasilev u kthyen në parlament si deputetë, njoftoi Zheljazkov. Atanas Sllavov dhe Andrej Cekov, të cilët ishin përkatësisht ministër të drejtësisë dhe ministër të zhvillimit regjional, po kthehen në vendet parlamentare. U njoftua edhe dorëheqja e Avokates së Popullit Diana Kovaçeva. Ajo u zgjodh gjyqtare e Gjykatës Evropiane për të Drejtat e Njeriut. Sipas ligjit, përfundimi i parakohshëm i kompetencave të saj nuk i nënshtrohet votimit.

• Qeveria e përkohshme u betua në parlament
  

Kuvendi rrëzoi kërkesën e “Vëzrazhdane” për të dëgjuar drejtorin e Inteligjencës Ushtarake, Gjen. Venelin Venev për hetimet gazetareske për ndërhyrje në punën e zyrës nga bashkëkryetari i “Bullgarisë Demokratike”, deputeti Atanas Atanasov.