Hyri në gjykatë procesi ndaj ish-bosit të lojërave të fatit Vasill Bozhkov

Pas 4 vitesh hetime, Prokuroria e Qytetit të Sofjes dorëzoi në gjykatë aktakuzën kundër Vasill Bozhkovit, i njohur si bos i lojërave të fatit, dhe 9 personave të tjerë, përfshirë zyrtarë të Komisionit të Mbyllur Shtetëror të Lojërave të Fatit, për një grup të organizuar kriminal të krijuar për zhvatje, krime zyrtare dhe korrupsion. Akuza ndaj Bozhkovit është se ai është organizator dhe drejtues i grupit.

Hetimi ndaj Bozhkovit filloi në fund të vitit 2019 dhe në fillim të vitit 2020 u bë e qartë se ai ishte larguar nga vendi. Pas tre vitesh qëndrimi në Dubai, ai u kthye në gusht 2023 dhe u ndalua në aeroportin e Sofjes. Në shkurt, megjithëse ishte në arrest shtëpiak, Bozhkov arriti të krijojë një platformë të re politike - lëvizjen kombëtare "Qendra", e cila si qëllim të saj deklaroi "shpëtimin e Bullgarisë dhe popullit tonë nga shkatërrimi".