Tre medalje ari dhe një argjendi për Kalejn dhe Nikollovën në finalet e Kupës Evropiane në Baku

Katër medalje fituan gjimnastet individuale bullgarë në finalet e kombinimeve me veglat e veçanta të Kupës së parë evropiane të gjimnastikës ritmike, që po mbahet në Baku. Borjana Kalejn fitoi një medalje të artë me top dhe fjongo, si dhe një medalje të argjendtë me rreth, ndërsa Stilijana Nikollova u bë kampione e birilave.

Gjimnastet tona deri më tani kanë fituar tetë medalje - pesë të arta, dy të argjendta dhe një medalje të bronztë, pasi dje kampione për femra u shpall Stilijana Nikollova, ndërsa vajzat tona u renditën në vend të dytë në garën ekipore.

Më vonë gjatë ditës së sotme, ansambli bullgar, i cili përfundoi i katërti në shumëgarësh, do të garojë për medalje në finalet me pesë rreth dhe tre shirita dhe me dy topa. Në finalet e vajzave do të marrin pjesë Dara Malinova dhe Magdalena Vëllkova.