Kryeministri Dimitër Gllavçev: Qeveria e përkohshme do të bëjë gjithçka që të ketë zgjedhje të ndershme

Kryeministri në detyrë Dimitër Gllavçev siguroi se qeveria e përkohshme do të bëjë gjithçka që të mos ketë praktika që pengojnë drejtësinë e zgjedhjeve.

Kryeministri u tha gazetarëve se kabineti po punon për të siguruar një votim të drejtë dhe transparent, që është detyra e tij kryesore. “Gjithçka që na kërkohet ligjërisht do të bëhet”, shtoi ai.

Dimitër Gllavçev po ashtu tha se qeveria punon në sinkron me Komisionin Qendror të Zgjedhjeve dhe se çdo javë sigurohet informacion për zgjedhjet nga ministrat përgjegjës dhe se organizimi i votimit është në orar.