Bullgaria do të furnizojë pajisje për restaurimin e sektorit energjetik të Ukrainës

Ministria bullgare e Energjisë është e gatshme ta ndihmojë Ukrainën të rivendosë sistemin e saj elektrik, i cili u dëmtua nga veprimet ushtarake të Rusisë. Kështu tha ministri në detyrë i energjisë, Vladimir Malinov, në një video-konferencë me homologun e tij ukrainas, German Galushçenko. Përpjekjet e shpejta dhe në kohë në këtë proces janë të një rëndësie të veçantë për përgatitjen e suksesshme të vendit ukrainas për sezonin e ri të dimrit. Nëpërmjet Ambasadës së Ukrainës në Bullgari, Sofja ka marrë një listë me pajisjet e nevojshme dhe pritet që sa më shpejt të ketë përgjigje për ndihmën e nevojshme, kuptohet nga biseda. Përshpejtimi i procesit të furnizimit me pajisje për termocentralin Belene të Ukrainës dhe furnizimet me gaz ishin temat e tjera në bisedën mes dy ministrave.