Mbi 26 000 bullgarë kanë aplikuar për të votuar jashtë vendit

Deri në orën 24:00 të datës 14 maj duhet të përfundojë dorëzimi i aplikimeve për votim jashtë vendit që të mund të formohen seksionet. Deri më tani ka mbi 26 000 aplikime. Më së shumti janë për Turqinë – 17 000, e ndjekur nga Gjermania me 1 600 dhe Britania e Madhe me 1400 aplikime. Kështu ka komentuar për organizimin e zgjedhjeve jashtë vendit, nënkryetari i Këshillit Publik të Komisionit Qendror të Zgjedhjeve, Stefan Manov.

Sipas tij, interesimi për zgjedhjet kombëtare bullgare mund të ishte më i madh nëse deputetët do të kishin bërë hapin e fundit për krijimin e një zone elektorale jashtë vendit. Hapi i fundit është metodologjia për të përcaktuar numrin e mandateve për këtë rajon, shtoi Manov dhe shpjegoi se ai ekziston, por është i bllokuar.