Spitali Kombëtar i Fëmijëve do të jetë gati në maj 2028

Sipas planit të miratuar nga qeveria e përkohhsme, Spitali Kombëtar i Fëmijëve do të jetë gati në maj të vitit 2028 – nëntë muaj më herët se synimet fillestare, njoftoi ministrja në detyrë e financave, Ljudmilla Petkova. 100 milionë leva janë siguruar nga buxheti i shtetit për aktivitetet që lidhen me ndërtimin e objektit mjekësor.

Me ndihmën e Bankës Europiane të Investimeve do të përgatiten dokumentet e nevojshme për funksionimin e spitalit dhe pajisjet e tij. Ndërkaq, prokurimi publik për projektimin e tij do të shpallet në fillim të shtatorit të këtij viti dhe ndërtimi do të fillojë vitin e ardhshëm.

Lidhur me shqetësimet se do të jetë e nevojshme mbyllja e reparteve të fëmijëve për të siguruar mjaftueshëm pediatër dhe infermierë për spitalin e ardhshëm, drejtori i Kompanisë për Investime Shëndetësore për ndërtimin e tij, Vlatko Gligorov, deklaroi:

“Ideja nuk është mbyllja e tyre, por për t'i transformuar ato dhe për të rritur kapacitetin dhe aksesin”. Ai shtoi se tashmë janë zhvilluar bisedime me Ministrinë e Arsimit që më shumë mjekë të specializohen në pediatri.