Ne kemi nevojë për një modernizim urgjent të ushtrisë, beson ministri i mbrojtjes

Ministri në detyrë i mbrojtjes, Atanas Zaprjanov, veçoi si prioritet kryesor përshpejtimin e modernizimit të forcave tona të armatosura.

“Ministria e Mbrojtjes vazhdon të përqendrojë përpjekjet e saj në realizimin e projekteve për riarmatimin e ushtrisë bullgare”, tha ministri në hapjen e ekspozitës ndërkombëtare të produkteve dhe shërbimeve mbrojtëse “Hemus 2024” në Plovdiv. Sipas tij, blerja e një lloji të ri avioni luftarak, si dhe e një anije patrullimi modulare multifunksionale, është me rëndësi parësore.

“Kthimi i një konflikti ndërkombëtar me intensitet të lartë në territorin e Evropës e vuri në provë gatishmërinë tonë mbrojtëse dhe na tregoi se sa e rëndësishme është të marrim vendime në kohë”, theksoi Atanas Zaprjanov. Ai shtoi se kjo ka e ka imponuar gjithashtu tendencën për të rritur shpenzimet ushtarake dhe kërkesën globale për armatime dhe pajisje të reja, si dhe për të mirëmbajtur rezervat e shteteve anëtare.