BSP: Ne nuk do të mbështesim GERB

“Ne jemi të shqetësuar për pjesëmarrjen e ulët të votuesve, që është shenja e radhës shumë serioze për të gjitha partitë politike. Të gjithë duhet të nxjerrim një përfundim nga kjo dhe të marrim masa”, u tha gazetarëve kryetarja e Partisë Socialiste Bullgare (BSP) Kornelija Ninova, partia e së cilës renditet e pesta në parlamentin e ri bullgar. Ajo falënderoi votuesit që ushtruan të drejtën e votës.

BSP-ja, si pjesëmarrësit e tjerë në zgjedhje, refuzuan komente para shpalljes së rezultateve përfundimtare. Vetëm pyetjes se çfarë do të bënte BSP nëse GERB-i do t'i kërkonte mbështetje, Ninova iu përgjigj shkurt: "Pas 10 vitesh luftë me modelin GERB mendoj se është e panevojshme të më pyesni nëse do ta mbështesim GERB-in". Përgjigja është "jo!".