Artikull
Udhëheqësja e BSP-së, Kornelija Ninova, jep dorëheqjen
Martë 11 Qershor 2024 11:46
Martë, 11 Qershor 2024, 11:46
Kornelija Ninova
FOTO: BGNES
Madhësia e shkronjave
Në një konferencë pas daljes së rezultateve përfundimtare të zgjedhjeve “2 në 1”, kryetarja e BSP-së, Kornelija Ninova njoftoi se jep dorëheqjen. Arsyeja është se si në zgjedhjet kombëtare ashtu edhe në ato të Parlamentit Evropian, socialistët e partisë shekullore të së majtës arritën të mbledhin vetëm 7% të votave të zgjedhësve. Ajo e cilësoi këtë rezultat si katastrofik. Tani e tutje do të mblidhet Këshilli Kombëtar për të zgjedhur një nga nënkryetarët e partisë për të udhëhequr partinë në kongresin e saj, në të cilin do të zgjidhet kryetari i ri. Ninova deklaroi se pavarësisht dorëheqjes, ajo mbetet deputete në Kuvendin Popullor.
Një ditë pas zgjedhjeve, organizata rinore e BSP-së kërkoi dorëheqjen e Ninovës për shkak të performancës së dobët të së majtës. Kujtojmë se kjo nuk është hera e parë që Ninova jep dorëheqje për shkak të rezultateve të BSP-së në zgjedhje. Ajo tashmë e ka thënë dorëheqjen e saj në vitin 2019, por më vonë e tërhoqi atë, dhe në 2021, por më pas u refuzua nga Kongresi i BSP-së.
Publikoi / Publikuan: БНР екип