Autoritetet tatimore po kontrollojnë kompanitë e lidhura me bashkëthemeluesin e partisë “Veliçie”

Drejtori i Agjencisë Kombëtare të të Ardhurave, Rumen Specov, njoftoi se urdhëroi inspektime në bazë të raportimeve kundër firmave të Ivelin Mihajllov - bashkëthemelues i partisë së re në parlament “Veliçie”, dhe krijues i "Parkut Historik" afër Varnës. "Procedura tashmë filluan bazuar në raportet e paraqitura disa muaj më parë për ekzistencën e skemave financiare dhe mashtrimeve", tha Specov. Ai shtoi se në këto procedura janë duke u punuar, por ende nuk ka rezultate, transmeton BTA. Drejtori ekzekutiv i Agjencisë Kombëtare të të Ardhurave shpjegoi se kompanitë e Mihajllovit kanë akumuluar detyrime tatimore. Specov sqaroi se raportet e dorëzuara në organet tatimore ndaj kompanive të tij nuk kanë të bëjnë me fushatën e kaluar zgjedhore.

Partia pak e njohur “Veliçie” prezantoi një surprizë në zgjedhjet për parlamentin kombëtar dhe atë evropian në Bullgari më 9 qershor. Ndonëse në sondazhet parazgjedhore shfaqej në rubrikën "Të tjerët" me rezultat nën 2%, në ditën e zgjedhjeve grumbulloi 4.65% mbështetje dhe u bë forca e shtatë parlamentare.