Zhbllokuan ndërtimin e autostradës “Struma” përmes Grykës së Kresnës”

Pas analizave dhe inspektimeve 6 mujore, Ministria e Mjedisit dhe Ujërave lejoi përfundimin e autostradës “Struma” përgjatë trasesë së “Opsionit Lindje” përmes Grykës së Kresnës. Më herët instancat gjyqësore refuzuan edhe kërkesën për një eko-vlerësim të ri të projektit. Vendimi i Ministrisë i jep fund procedurës mbi 20-vjeçare të miratimit, e cila për shkak të pretendimeve të organizatave të gjelbra vonoi përfundimin e 14 km të fundit nga “Struma”. Autostrada çon në Selanik dhe është pjesë e itinerarit të Eurokorridorit Nr. 4, që lidh Evropën Qendrore me Greqinë dhe portet e Mesdheut që çojnë në Lindjen e Mesme dhe të Largët. Mungesa e autostradës pranë Kresnës krijon bllokime trafiku prej kilometrash dhe sjell aksidente të shpeshta rrugore. Nëse ndërtimi fillon në vitin 2025, pritet të përfundojë në vitin 2028.