Aktori dhe regjisori bullgar Marius Donkin u nderua në një festival teatror në Prishtinë

Monospektakli "Zoti Ibrahim dhe lulet e Kuranit" i Marius Donkin bazuar në veprën me të njëjtin emër të Eric-Emmanuel Schmitt fitoi çmimin e madh në edicionin e sivjetmë të Festivalit Ndërkombëtar "MonoAkt" në Kosovë, njoftoi "Koha Ditore". Monodrama e aktorit dhe regjisorit bullgar, e cila paraqet lidhjen mes njerëzve përtej dallimeve, u shfaq të premten në mbrëmje në Prishtinë para mbylljes së festivalit dhe ceremonisë së ndarjes së çmimeve. Donkin falënderoi publikun në Teatrin “Dodona” në kryeqytetin e Kosovës për çmimin. “Zoti Ibrahim dhe lulet e Kuranit” shpalos fatet njerëzore si një mesazh për të kapërcyer dallimet dhe është një himn për dashurinë dhe tolerancën. Në edicionin e 16-të të “MonoAct” morën pjesë 7 shfaqje, 5 prej të cilave konkurruese.