Në Sofje nis Festivali i parë i Muzikës Shpirtërore Korale

Në ditët para festës së madhe të krishterë të Rrëshajave, tempulli "Shën Sofja - Urtësia e Zotit" pret edicionin e parë të Festivalit të Muzikës Shpirtërore Korale "Trisvjatuju pesn" ("Трисвятую песнь") nga 19 deri më 23 qershor. Organizatorë janë Unioni Koral Bullgar dhe tempulli “Shën Sofja”, me mbështetjen e Mitropolisë së Shenjtë të Sofjes. Në festival do të marrin pjesë kore bullgare nga Sofja dhe vendi, të cilët do të paraqesin një program të pasur muzikor me vepra me tema shpirtërore. Hapja zyrtare e "Trisvjatuju pesn" është më 19 qershor (e mërkurë) në orën 18:00 me një lutje dhe një koncert solemn të Korit të Përzier të tempullit të lashtë "Shën Sofja - Urtësia e Zotit", Kapelës së Korit të Rinisë pranë Shkollës Kombëtare të Muzikës "Ljubomir Pipkov" dhe të ansamblit "Kredo" me dirigjent Sllavill Dimitrov.