Kirill Petkov: Peevski dhe Borisov në skenën politike – kjo është tmerrësisht e shtrenjtë!

Momentalisht, lideri i GERB-it, Bojko Borisov, shantazhohet nga bashkëkryetari i Lëvizjes për të Drejta dhe Liri (DPS), Deljan Peevski, ndërsa nga “Ka një popull të tillë” (ITN) merr “propozime të tmerrshme që gërshetojnë marrëzinë dhe paturpësinë e pakufishme”, kostoja e së cilës do të bëhet e qartë së shpejti. Kështu ka bërë të ditur në “Facebook” njëri prej liderëve të “Po e vazhdojmë ndryshimin – Bullgaria Demokratike (PP-DB) Kirill Petkov.

"Pyetja e vërtetë nuk është se cili është çmimi i ITN (do ta kuptojmë së shpejti), por sa mund të paguajmë ne si bullgarë për "kënaqësinë" e Peevskit dhe Borisovit për të qenë në skenën politike. Dy persona e ndalojnë përparimin e një kombi të tërë dhe kjo është tmerrësisht e shtrenjtë!”, ka komentuar Petkov.

Sipas Borisov, një qeveri e qëndrueshme mund të formohet vetëm nga tre forcat e para politike në parlamentin e 50-të - GERB-SDS, DPS dhe PP-DB. Përndryshe zgjedhjet e reja të parakohshme janë të pashmangshme. PP-DB, në personin e njërit prej liderëve të koalicionit, Asen Vasilev, deklaroi se është detyrë e fituesit të sigurojë shumicën dhe se PP-DB do të jetë një opozitë ndaj " praktikave korruptive të GERB dhe DPS".