Ekspozita e fotografive “Pafajësia pa kufij” na tregon botën e fëmijëve refugjatë

Në Ditën Botërore të Refugjatëve – 20 qershor, në orën 11:00 në Terminalin 2 të Aeroportit të Sofjes do të hapet zyrtarisht ekspozita fotografike kushtuar fëmijëve refugjatë me titull “Pafajësia pa kufij”. Veprimtaria organizohet nga UNICEF, Ambasada e Zvicrës në Bullgari, Agjencia Shtetërore për Refugjatët dhe Aeroporti i Sofjes.

Fotografët Dobrin Minkov dhe Nikollaj Stojkov tregojnë historitë e fëmijëve dhe familjeve të tyre, si dhe të fëmijëve të pashoqëruar nga Zona e sapohapur e Sigurt për Fëmijët e Pashoqëruar nëqytetin Harmanli (Bullgaria Jugore), krijuar nga UNICEF, Agjencia Shtetërore e Refugjatëve dhe partnerët, me mbështetjen e Zvicrës.

Ekspozita është një thirrje për solidaritet, mirëkuptim dhe tolerancë ndaj fëmijëve të pafajshëm në rrugë, të cilët paguajnë çmimin më të lartë për shkak të luftërave, konflikteve apo paqëndrueshmërisë politike. Ekspozita mund të shihet deri më 20 korrik 2024.

Foto: unicef.org