Raja Nazarjan nga GERB është kryetare e Legjislaturës së 50-të të Kuvendit Popullor

Nënkryetarë të Kuvendit Popullor u zgjodhën: Rosica Kirova nga GERB-SDS, Jordan Conev nga DPS, Atanas Atanasov nga "Po e vazhdojmë ndryshimin - Bullgaria Demokratike", Conço Ganev nga "Vëzrazhdane", Dragomir Stojnev nga "BSP për Bullgarinë", Andrej Çorbanov nga "Ka një popull të tillë", Viktoria Vasileva nga “Veliçie”.

"Dëshiroj t'ju falënderoj për nderimin e lartë të dhënë. Me këtë votë u bë i mundur funksionimi i pushtetit", tha Nazarjan, e cila u zgjodh gjatë votimit të tretë. Ajo shprehu shpresën se nisja nga puna e parlamentit do të krijojë parakushte për normalizimin e proceseve politike në vend. "Ne jemi përgjegjës për cilësinë e veprimtarisë legjislative. Besoj se secili prej nesh do të bëjë përpjekje në këtë drejtim", theksoi kryetarja e re e Kuvendit Popullor.