Anëtarësimi i plotë i Bullgarisë në Shengen do t'i kursejë ekonomisë miliona euro

Humbjet direkte për Bullgarinë nga anëtarësimi i plotë i vonuar në Shengen janë 424 milionë euro, tha ushtruesi i detyrës së ministrit të ekonomisë, Petko Nikollov. Ai citoi një raport nga Instituti për Kërkime Ekonomike në Akademinë Bullgare të Shkencave, të porositur nga ministria.Në një diskutim në Sofje për prioritetet e Presidencës Hungareze të Këshillit të BE-së dhe ndikimin e tyre në agjendën bullgare, Nikollov theksoi se humbjeve direkte duhet t'i shtohen edhe përfitimet e humbura prej rreth 275 milionë euro.Kështu, përfitimet e mundshme nga heqja e kontrollit të kufirit tokësor janë mbi 680 milionë euro në vit.Veçmas, lidhja tokësore do të kursejë emetimet e karbonit nga trafiku.“Do të përmirësohet lidhja e transportit, do të rriten flukset e tregtisë dhe investimeve, koha e udhëtimit dhe kostoja do të reduktohen”, përmblodhi ministri.