Bullgaria kërkon që Shkupi të respektojë Marrëveshjen e Fqinjësisë së Mirë të vitit 2017

Diskutuam se si ta bëjmë NATO-n më të fortë, duke u fokusuar në punën kolektive, duke forcuar njëkohësisht mbrojtjen e secilit vend anëtar, tha kryeministri në detyrë Dimitër Gllavçev. Ai shtoi se në diskutimet në Uashington në kuadrin e samitit me rastin e 75 vjetorit të themelimit të Aleancës, tema tjetër qendrore ishte mbështetja për Ukrainën. Gllavçev kujtoi se Bullgaria ka ofruar ndihmë për Kievin që nga fillimi i luftës dhe ndihma e Aleancës në përgjithësi bazohet në ligjin ndërkombëtar dhe dokumentet e OKB-së.

Në Uashington, Gllavçev foli edhe me kryeministrin maqedonas Hristijan Mickoski. Ne ishim të të njëjtit mendim se duhet të zvogëlohet tensioni në të folur, theksoi Gllavçev. Marrëdhëniet mes dy vendeve duhet të normalizohen dhe të kthehen në rrugën e vitit 2017, kur u nënshkrua Marrëveshja e Fqinjësisë së Mirë.

Duhet të plotësohen kërkesat për anëtarësim në BE. Qëndrimi ynë është panevropian - vendet kandidate për në BE duhet të respektojnë kërkesat që vlejnë për të gjithë, theksoi Gllavçev.

Në forum, kryeministri foli edhe me presidentin francez Emmanuel Macron, kancelarin gjerman Olaf Scholz, presidentin turk Recep Tayyip Erdoğan, kryeministrin shqiptar Edi Rama, presidenten e Kosovës Vjosa Osmani, transmeton BTA.