Presidenti pret që PP-DB të deklarojnë pozitat e tyre për të dorëzuar mandatin për formimin e qeverisë

Pres që "Po e vazhdojmë ndryshimin - Bullgaria Demokratike" (PP-DB) të deklarojnë qartë nëse do të jenë në opozitë apo do të kërkojnë mbështetje për formimin e qeverisë, deklaroi presidenti Rumen Radev në Burgas, ku mori pjesë në stërvitjen "Briz 2024". Ai u bëri thirrje deputetëve që të mendojnë thellë për dinamikën e proceseve politike dhe të bëjnë përpjekje për të kthyer sensin e shëndoshë në parlament. Mazhorancë të qëndrueshme do të ketë vetëm nëse partitë bashkohen rreth interesave kombëtare ose kriza politike do të përshkallëzohet, paralajmëroi Radev. Për ngjarjet në Lëvizjen për të Drejta dhe Liri (DPS), ai tha se gjithçka që ndodh me partitë ndikon në situatën politike. “Unë nuk përzihem në “kuzhinën e partive”, theksoi Radev.

PP-DB duhet të marrë mandatin e dytë për të formuar qeverinë, pasi grupi parlamentar i DPS u nda dhe lëvizja kaloi nga forca e dytë politike në pozicionin e katërt.