Presidenti Rumen Radev: Sistemi politik në Bullgari është i sëmurë rëndë

Kreu i shtetit Rumen Radev tha se të premten në mëngjes do ta shpallë vendimin e tij se kur do të dorëzojë mandatin e dytë për formimin e qeverisë. Sipas Radevit, sistemi politik në Bullgari është i sëmurë rëndë dhe "rruga për ta rikthyer atë është përmes operacionit radikal", dhe "bisturia është në duart e votuesve bullgarë, sa herë që ka zgjedhje të ardhshme".

Presidenti foli para gazetarëve në Britaninë e Madhe, ku përfaqësoi vendin tonë në Samitin e Katërt të Komunitetit Politik Evropian. I pyetur për luftën në Ukrainë, Radev tha se ka ardhur koha që ajo të përfundojë. Sipas presidentit bullgar, “nëse vazhdojmë të bëjmë të njëjtin stil lufte, me të njëjtin intensitet, po i afrohemi një momenti kur Ukraina do të mbetet pa njerëz në fushën e betejës. Atëherë të gjithë do të përballemi me një dilemë tepër të vështirë, politike dhe morale”, ka komentuar Radev.