Artikull
Shkupi kërkon që BE të bojkotojë korridorin e transportit Nr. 8 për në Bullgari
Martë 23 Korrik 2024 08:09
Martë, 23 Korrik 2024, 08:09
Hristijan Mickoski
FOTO: Facebook/ Hristijan Mickoski
Madhësia e shkronjave
Plani i Maqedonisë së Veriut për fondet nga plani i BE-së për zhvillimin e Ballkanit Perëndimor u përgatit dy javë më parë dhe vendi është në pritje të miratimit nga Komisioni Evropian, tha kryeministri maqedonas Hristijan Mickoski në një intervistë për televizionin “Telma”, transmeton BTA. Sipas tij, disa nga projektet e nisura nga qeveria e mëparëshme në Shkup nuk mund të realizohen. Si shembull, ai vuri në dukje linjën hekurudhore për në Bullgari, pjesë e korridorit të transportit Nr. 8. Sipas Mickoskit, linja "përfundon në një qorrsokak, në një gjysmë tunel, pa parashikueshmëri se si do të vazhdojë deri në Detin e Zi. Unë kërkoj që këto para t'i shpenzojnë për modernizimin e hekurudhës. Linja nga korridori Nr. 10 dhe trenat për të lëvizur me 100 në vend të 30 km/h, tha Mickoski. Korridori Nr. 10 lidh Evropën Qendrore, Hungarinë, Serbinë dhe Maqedoninë e Veriut me portin e Selanikut në Greqi.
Publikoi / Publikuan: БНР екип