Në parlament nuk ka marrëveshje nëse do të punojnë në gusht

Mes grupeve parlamentare nuk ka marrëveshje nëse Kuvendi Popullor duhet të punojë gjatë gjithë muajit gusht apo të shkojë me pushime. Kjo u bë e qartë pas këshillit të kryetarëve të parlamentit ditën e enjte. Vetëm "Ka një popull të tillë" (ITN) dhe "BSP për Bullgarinë" këmbëngulën që parlamenti të mos shkojë me pushime në gusht, njoftoi kryetari i grupit parlamentar të ITN-së Toshko Jordanov. Lideri i GERB-it, Bojko Borisov, u përgjigj se: “Ky parlament nuk bëri asgjë për një muaj e gjysmë... po e përdorim për deklarata, për fyerje, për përçarje dhe jo për diçka konstruktive. Nëse ka diçka urgjente, le ta bëjmë, por të imitosh punën, siç imitojmë prej një muaji e gjysmë, për të shfrytëzuar reklamat dhe kohën e lirë mediatike, më duket e gabuar.”