Po kërkojmë mënyra për të reduktuar bllokimet e trafikut në kufirin me Greqinë në Kullata-Promahon

Kryeministri Dimitër Gllavçev dhe ministri i punëve të brendshme Kalin Stojanov kanë biseduar me përfaqësues të autoriteteve kufitare për masat për kalim më të shpejtë të automjeteve përmes pikës kufitare-Kullata në kufirin me Greqinë. Kryeministri u shpreh i bindur se masat e përkohshme janë të nevojshme derisa vendi ynë të pranohet me rrugë tokësore në Shengen. Njëra është ndarja e fluksit të automjeteve mes atyre nga shtetet anëtare dhe atyre nga vendet e treta, sepse kontrollet janë të ndryshme. Ideja tjetër është përdorimi i shenjave të përkohshme rrugore për të kufizuar shpejtësinë në fund të autostradës, në mënyrë që makinat të mos grumbullohen.

Ministri i punëve të brendshme, Kalin Stojanov, deklaroi se autoritetet kufitare greke janë duke punuar mbi të ashtuquajturat “kontrolle të lehtësuara” për të lejuar që makinat të kalojnë më shpejt. Ai vuri në dukje se mesatarisht rreth 5000 automjete kalojnë në ditë nëpër pikëkalimin në fjalë.Foto: MPB