Bullgaria po lufton dy zjarre të rënda në malet Sllavjanka dhe Maleshevska

Situata është e komplikuar me dy zjarret në malin Maleshevska dhe malin Sllavjanka. Të dy frontet mbeten aktive. Rreth 6000 dynymë është sipërfaqja pyjore e prekur në Malin Maleshevska, si dhe mbi 3000 dynymë tokë bujqësore. Nuk ka asnjë rrezik për zonat e banuara.

Përveç qindra zjarrfikësve, u siguruan edhe dy avionë francezë. Ata do ta shuajnë zjarrin në zonën e Maleshevos, tha për BNR drejtori i zjarrfikësve, kryekomisar Aleksandër Zhartov. Dy helikopterët bullgarë do të vazhdojnë të punojnë për shuarjen e zjarrit në malin Sllavjanka në kufirin me Greqinë.

Bullgaria ka kërkuar ndihmë shtesë nga BE, njoftoi Zhartov. Sipas BNT, sot do të bëhet e ditur se çfarë ndihme do të dërgohet nga Rumania për shuarjen e zjarreve në Bullgari. Në komunën e Pehçevos, e cila është në anën tjetër të malit Maleshevska në Maqedoninë e Veriut, një tjetër zjarr po i afrohet kufirit bullgar, raportojnë mediat maqedonase.

Foto: BTA