Prezantohen masa parandaluese kundër murtajës së ripërtypësve të vegjël

Ministria e Bujqësisë dhe Ushqimit dhe Agjencia Bullgare e Sigurisë Ushqimore po vendosin masa të forta kundër hyrjes së murtajës së ripërtypësve të vegjël në Bullgari. Veprimet parandaluese janë për shkak të përkeqësimit të situatës epizootike në Rumani dhe Greqi, u bë e qartë në një takim online të institucioneve me përfaqësues të shoqatave të mbarështimit të kafshëve. Masat përfshijnë rritjen e kontrollit të çdo ngarkese të kafshëve të gjalla nga vendet e prekura, embargo, ekzaminime klinike dhe marrjen e mostrave. Sëmundja nuk është e rrezikshme për njerëzit, por është jashtëzakonisht ngjitëse për delet dhe dhitë dhe shkakton humbje të mëdha ekonomike. Sëmundja transmetohet përmes kontaktit të drejtpërdrejtë midis kafshëve, përmes ushqimit të kontaminuar nga virusi, përdorimit të pajisjeve dhe automjeteve. Ekspozitat dhe tregjet e blegtorisë janë gjithashtu të ndaluara përkohësisht, raporton BTA.