Rumen Radev ka uruar Gordana Siljanovska-Davkova me rastin e festës kombëtare të RSM-së

Kreu i shtetit Rumen Radev ka uruar presidenten dhe qytetarët e RSM-së me rastin e festës kombëtare Ilinden - Dita e Republikës.

“Vetëflijimi i heronjve të Kryengritjes së Ilindenit mbart kujtesën në kohë, e cila do të lidhë përgjithmonë Bullgarinë dhe Republikën e Maqedonisë së Veriut dhe qytetarët e tyre”, tha Rumen Radev në urimin e tij. Sipas tij, idealet e larta të kryengritjes janë sot baza e vlerave të Evropës së bashkuar.

Rumen Radev thekson se e ardhmja jonë e përbashkët evropiane kërkon vullnet dhe qasje të sinqertë në zbatimin e Marrëveshjes së Miqësisë, Fqinjësisë së Mirë dhe Bashkëpunimit nga viti 2017, si dhe se vendi ynë mbetet i vendosur të punojë në ndërtimin e marrëdhënieve të mira fqinjësore me RSM dhe të ofrojë mbështetje për përmbushjen e kritereve të dakorduara për anëtarësim në BE.