Punëtorët aziatikë filluan të zhdukeshin dhe të iknin nga hotelet përgjatë Detit të Zi

Ekziston një kanal për transferimin e punëtorëve në Evropën Perëndimore, tha nënkryetari i Shoqatës Bullgare të Hotelerisë dhe Restoranteve Veselin Nallbantov. Hotelet përgjatë bregdetit bullgar të Detit të Zi raportuan se punëtorët sezonalë nga Nepali dhe Sri Lanka janë larguar nga vendet e tyre të punës, ku ishin akomoduar me viza pune. Sipas Nallbantov, punëtorët e nivelit të ulët, si larëset dhe pastruesit, të cilët nuk kanë arsim dhe nuk flasin anglisht, e përdorin Bullgarinë si trampolinë.

“Ata që ikën po i hedhin pasaportat. Ndoshta u është thënë se nuk duhet të kenë dokumente sepse kanali është i paligjshëm, ose kanë dokumente të dyfishta”, ka shprehur dyshimet e tij Nalbantov për Nova TV. “Agjencia e punësimit duhet t’i gjejë menjëherë dhe t’i vendosë një vulë të zezë”, kërkoi ai, duke saktësuar se të arratisurit kanë viza Shengen.