Përbërja e kabinetit të ri është gati

Kandidati përkryeministër në detyrë dhe kryeministri në detyrë deri më tani Dimitër Gllavçev ia prezantoi presidentit Rumen Radev përbërjen e kabinetit në detyrë, njoftoi BTA. Në qeverinë e mëparshme, kryeministri në detyrë, Dimitër Glavçev, zbatonte njëkohësisht funksionet e kryeministrit dhe ministrit të jashtëm.

Tani në projektin e kabinetit të përkohshëm i nominuari për ministër të punëve të jashtme është Ivan Kondov. Deri më tani mban postin e zëvendësministrit të punëve të jashtme. Kryeministri Dimitër Gllavçev saktësoi se Kondovi e ka fituar besimin e tij derisa e ka zëvendësuar si ministër të jashtëm, prandaj e ka propozuar.

Pas bisedimeve me presidentin Rumen Radev, u vendos që në postin e ministrit të punëve të brendshme të zgjidhet një profesionist i sistemit, që të mos ketë politizim, prandaj është propozuar Atanas Illkovi, i cili është larg politikës. Illkov është në sistemin e Ministrisë së Punëve të Brendshme që nga viti 1987 dhe ka diplomë master në drejtësi.

E nominuara për Ministre të Transportit, Krasimira Stojanova, është punëtore afatgjatë në Ministrinë e Transportit, duke zënë poste të ndryshme

Gllavçev shtoi se të martën do të bisedojë me përfaqësuesit e popullit për emërimin e komisionerit bullgar evropian.

• Refuzimi i presidentit për të nënshkruar një dekret për emërimin e një qeverie të përkohshme është në përputhje me të drejtat e tij

Foto: BTA, BGNES, BNT