Qeveria e përkohshme do të jetë e distancuar nga të gjitha partitë

Objektivi kryesor i qeverisë së përkohshme është organizimi i zgjedhjeve të drejta, transparente dhe të lira. Në fillim të mbledhjes së parë të qeverisë së re të përkohshme, kryeministri Dimitër Gllavçev theksoi se garanton një distancë të barabartë nga të gjitha forcat politike, transmeton BTA. Gllavçev theksoi se kabineti i ri do të punojë për të garantuar rrugën evropiane të zhvillimit të Bullgarisë, si dhe me kujdes për mënyrën e mirë të jetesës së qytetarëve bullgarë. Kryeministri në detyrë njoftoi se koordinator për zgjedhjet do të jetë ministri i inovacionit dhe zhvillimit Rosen Karadimov, i cili, sipas tij, do të zhvillojë një dialog të mirë me Komisionin Qendror të Zgjedhjeve.

"Nëse zgjedhjet janë të ndershme dhe transparente, do të votojnë më shumë qytetarë bullgarë, gjë që varet edhe nga mesazhet politike të partive që do të marrin pjesë në zgjedhje", tha gjithashtu Dimitër Gllavçev dhe u bëri thirrje forcave politike "të fokusohen në fushatën e tyre zgjedhore dhe jo mbi qeverinë zyrtare”.