PP, DSB dhe “Po Bullgaria” nënshkruan një marrëveshje koalicioni

Në informacion thuhet se të tri formacionet synojnë ta zhvillojnë Bullgarinë si një vend me ekonomi konkurruese, inovative dhe standard të lartë jetese. Në marrëveshjen e përgjithshme, liderët e tri partive angazhohen të punojnë për të arritur barazinë para ligjit për të gjithë dhe një sistem gjyqësor të pavarur, për të kapërcyer pabarazitë rajonale dhe sociale dhe për paqen dhe sigurinë në jetën e çdo qytetari bullgar. Theksohet gjithashtu se PP-DB do të punojë për Bullgarinë e qytetarëve aktivë dhe sipërmarrës me ide dhe investime të reja në të ardhmen, si dhe për ruajtjen e natyrës bullgare dhe një tranzicion të drejtë social në një ekonomi me karbon të ulët. Pavarësia energjetike, siguria kombëtare dhe modernizimi i ushtrisë bullgare, si dhe ruajtja e trashëgimisë kulturore dhe historike dhe zhvillimi i kulturës moderne bullgare janë ndër synimet kryesore të koalicionit.