Prezantuan projektin për ndërtimin e Terminalit 3 të Aeroportit të Sofjes

Investimi në Terminalin 3 të Aeroportit të Sofjes do të vendosë standarde të reja në industrinë dhe udhëtimet në Evropën Lindore, njoftoi BTA, duke cituar Hesus Kabajero, kryedrejtori ekzekutiv i operatorit të Aeroportit të Sofjes. Në prezantimin e Terminalit 3 të ardhshëm, Kabajero theksoi se transformimi në shkallë të gjerë do të luajë një rol vendimtar në zhvillimin ekonomik të Bullgarisë dhe do ta kthejë aeroportin tonë në aeroportin e parë rajonal me pesë yje në Evropë.

Gjatë periudhës së koncesionit do të investohen më shumë se 1.2 miliardë leva (600 milionë euro) dhe konkretisht për ndërtimin e Terminalit të ri 3 janë planifikuar 500 milionë leva (250 milionë euro). Kjo do të ndihmojë aeroportin e kryeqytetit të rrisë kapacitetin e tij në 20 milionë pasagjerë në vit.