Banka Kombëtare Bullgare shtrëngon kriteret për dhënien e kredive për banesa

Nga 1 tetori, Banka Kombëtare Bullgare (BNB) shtrëngon kriteret për bankat për dhënien e kredive për banesa. Vendimi i Bankës Qendrore vjen pas një analize që tregon rritje të ndjeshme të kredive në segment dhe përshpejtimin e saj në tremujorin e dytë të vitit. Masa është parandaluese. Raporti midis shumës së kredisë së siguruar me pasuri të paluajtshme banesore dhe vlerës së kolateralit në momentin e dhënies nuk duhet të jetë më i lartë se 85%, vendosi BNB. Jo më i lartë se 50% duhet të jetë raporti midis shumës së pagesave korrente në lidhje me shërbimin e borxhit dhe të ardhurave mujore të huamarrësit në momentin e dhënies. Afati maksimal sipas marrëveshjes së kredisë nuk duhet të jetë më i gjatë se 30 vjet. Kërkesat hyjnë në fuqi nga fillimi i muajit të ardhshëm dhe janë të vlefshme për bankat dhe degët e huaja, saktëson BNB.