Në Bullgari kërkojnë dorëheqjen e zëvendëskryeministrit maqedonas Aleksandër Nikollski

Lideri i GERB-it, Bojko Borisov, kërkoi dorëheqjen e zëvendëskryeministrit maqedonas Aleksandër Nikolloski për shkak të ofendimeve të tij ndaj Bullgarisë. "Ne do të bëjmë gjithçka që është e nevojshme që Partia Popullore Evropiane të dijë se çfarë flitet dhe pse është vendimi ynë përfundimtar për këtë çështje", tha Borisov.

Edhe kryetari i grupit parlamentar të BSP-së, Borisllav Gucanov, kërkoi dorëheqjen e zëvendëskryeministrit maqedonas Aleksandër Nikollski.

Sipas Lena Borisllavova nga "Po e vazhdojmë ndryshimin", për arsye të brendshme politike, Shkupi e largon popullin e tij nga rruga evropiane.

Lideri i “Vëzrazhdane” Kostadin Kostadinov deklaroi se edhe një herë pushtetarët në Shkup treguan se kanë vetëm një kompleks dhe ai është “kompleksi B, apo kompleksi nga Bullgaria”. Ai tregoi një fotografi nga takimi jozyrtar i kryeministrit maqedonas Hristijan Mickoski me homologun e tij kroat Andrej Plenkoviç, në të cilin mungonte edhe flamuri maqedonas dhe nuk kishte sulme dhe ofendime kundër Kroacisë në Shkup atëherë.