Festivali folklorik ndërkombëtar "Deti i ritmeve" do të mbahet në Ballçik

Festivali folklorik ndërkombëtar “Deti i ritmeve” do të mbahet nga sot, 20 shtator, deri më 23 shtator në qytetin e Detit të Zi, Ballçik.

Më shumë se 1200 interpretues kanë aplikuar për festivalin, i cili është i karakterit konkurrues. Do të ketë edhe pjesëmarrës nga jashtë - nga Ukraina dhe Bosnja dhe Hercegovina. Hapja do të jetë sonte në orën 17.30 në sheshin qendror.

E ftuar nderi në festival është ambasadorja e Marokut, Zakia el Midaui, e cila do të prezantojë 25 veshje tradicionale marokene, pjesë e një parade që do të zhvillohet në drejtim të qendrës së qytetit. Programi i festivalit përfshin prezantimin e kostumeve autentike nga pjesë të ndryshme të Bullgarisë, punëtori për këngë dhe valle popullore, një rrugë të zanatçinjve.

Foto: moreotritmi.com