Avokatët nga i gjithë vendi deklaruan gatishmëri për të protestuar për shkak të një vetoje të presidentit

Kryetarët e Kolegjiumeve të Avokatëve në vend u shprehën të gatshëm për aksione efektive protestuese për shkak të vetos së presidentit Rumen Radev për ndryshimet në Ligjin për Avokatinë. Ndryshimet e miratuara së fundmi kanë të bëjnë me rregullat e reja për emërimin e përfaqësuesve të posaçëm dhe tarifat e tyre. Përfaqësuesi i posaçëm është një avokat i cili emërohet zyrtarisht, në raste të ndryshme, sipas rregullave të Ligjit për Ndihmën Juridike. Ata mund të përfaqësojë fëmijë të mitur, persona pa adresë etj.

Radev kundërshton që shpërblimi i përfaqësuesve të posaçëm të caktohet nga këshilli lokal i avokatisë dhe deklaron se në këtë mënyrë uzurpohen kompetencat e gjykatës.

“Kështu në praktikë avokatët bëhen konsulentë ligjorë dhe nëpunës të gjykatës, e cila fillimisht do të mund të zgjedhë avokatin dhe më pas t’i vendosë tarifa poshtëruese pa kritere dhe arsye të qarta”, theksojnë avokatët në deklaratën e tyre. “Ne jemi kundër shkeljes së rëndë të parimit të lirisë së kontraktimit, mbi të cilin bazohet shërbimi i avokatisë”, komentojnë ata gjithashtu.