Bullgaret janë të dhjetat në Olimpiadën e Shahut

Shahistet bullgare përfunduan në vendin e 10-të në renditjen përfundimtare të Olimpiadës së Shahut, e cila u mbajt në Budapest të Hungarisë. Në ditën e fundit të garës, Bullgaria mundi Italinë 3.5 me 0.5. Antoaneta Stefanova, Nurgul Salimova dhe Belloslava Krësteva shënuan fitore, ndërsa Viktoria Radeva barazoi me Tea Gueci. Kështu, bullgaret përfundojnë me 16 pikë ndeshjeje, po aq sa edhe skuadrat e Kinës, Ukrainës, Polonisë, Argjentinës dhe Uzbekistanit, por tri skuadrat e para kanë avantazh në tajbrejkun e parë. Në këtë mënyrë Bullgaria përfundoi në vendin e 10-të prestigjioz në botë. Në kategorinë e meshkujve, Bullgaria përfundoi në vendin e 27-të me 14 pikë. Në turin e fundit kombëtarja humbi ndaj Gjermanisë 1.5 me 2.5.