Bullgaria nuk do të humbasë 90 milionë eurot e papërdorura në bujqësi

Komisioni Evropian miratoi transferimin e 90 milionë eurove të pashfrytëzuara nga vendi ynë nga periudha e mëparshme financiare në kuadër të Programit për Zhvillimin e Zonave Rurale, njoftoi ministri në detyrë i bujqësisë, Georgi Tahov, i cili mori pjesë në Këshillin "Bujqësia dhe Peshkimi" në Bruksel. “Këto fonde do të transferohen përmes skemave të mbështetjes së investimeve, të cilat do të na lejojnë të rrisim buxhetet në kuadër të skemave dhe nënmasave të ndryshme. Ky është një lajm i mirë - më shumë se 200 milionë leva shkojnë për bujqësinë bullgare”, komentoi ministri.

Kërkesën e vendit tonë për ndalimin e importit të vezëve ukrainase në vendin tonë, Georgi Tahov e arsyetoi me faktin se në gjashtë muajt e parë të vitit janë importuar mbi 2.6 milionë vezë, pesë herë më shumë se në të njëjtën periudhë të vitit të kaluar. Sipas tij, vezët shiten nën çmimet e tregut dhe kjo sjell tensione dhe falimentime në sektorin e “Rritjes së Shpendëve”. “Ne jemi për një mbështetje të fortë për popullin e Ukrainës, por kjo në asnjë mënyrë nuk duhet të kushtojë falimentime dhe të cenojë të drejtat e fermerëve tanë”, tha ministri i bujqësisë.