Radhët në kufijtë midis Bullgarisë dhe Rumanisë nuk janë vetëm problemi ynë

Çdo kamion që pret në radhët e gjata në kufi i humbet 200 euro në ditë pronarit të tij. Këtë e deklaroi eurodeputeti bullgar nga GERB-SDS/EPP Andrej Novakov gjatë një diskutimi me temën: "Kostoja e qëndrimit jashtë zonës Shengen - ndikimi në Bullgari dhe Rumani". Ndër organizatorët e forumit në Sofje është edhe Dhoma Bullgare e Tregtisë. “Radhët në kufijtë mes Bullgarisë dhe Rumanisë nuk janë problem bullgar apo rumun. Kur ndaloni te Ura e Danubit 2 pranë Vidinit, aty do të shihni një kamion gjerman plot mallra greke, me shofer polak, i destinuar për klientin italian. Kjo është një lidhje nga e cila varet tregu i përbashkët evropian, ky nuk është vetëm një problem bullgar”, tha Novakov, cituar nga BTA. Sipas tij, stabilizimi i situatës politike në Bullgari është një "çelës kryesor" që vendi ynë të vazhdojë drejt heqjes së kontrollit kufitar dhe tokësor.

Kontrolli kufitar nga ajri dhe deti për Bullgarinë dhe Rumaninë u hoq më 31 mars.