Në Panairin e 78-të Ndërkombëtar Teknik në Plovdiv marrin pjesë 25 shtete

Në qytetin e dytë më të madh në Bullgari - Plovdiv, u hap Panairi i 78-të Ndërkombëtar Teknik. Gati 231 kompani - prodhues të drejtpërdrejtë dhe përfaqësues të shitjeve nga 25 vende - po marrin pjesë në forum, i cili do të zgjasë deri më 28 shtator. Ata punojnë në fushat e ndërtimit modern të gjelbër, inxhinierisë, energjisë, teknologjive dixhitale në prodhim, shtëpi dhe tregti, pajisjeve të rënda, automjeteve hibride dhe mjeteve ajrore pa pilot.

Në hapje zëvendësministri i ekonomisë dhe industrisë David Sukalinski theksoi se industria bullgare ka një rol jashtëzakonisht të rëndësishëm për ekonominë e vendit, me kontributin e saj në PBB-në afër 20%. Në vitin 2023, vlera e shtuar e krijuar prej saj është 10.7 miliardë euro dhe numri i ndërmarrjeve që punojnë në këtë sektor është rreth 30 mijë.