"Triumfi" - kandidati bullgar për "Oscar" triumfoi në "Trëndafilin e Artë"

Filmi "Triumfi" i tandemit regjisorial Petër Vëllçanov dhe Kristina Grozeva fitoi çmimin e madh për film artistik në Festivalin e 42-të të Kinemasë Bullgare "Trëndafilin e Artë" në Varna. Filmi mori edhe çmimin për skenarin e shkruar nga dy regjisorët, së bashku me Deço Taralezhkovin, si dhe çmimin për rolin e femrës, të cilin e ndanë dy aktoret kryesore Margita Gosheva dhe Maria Bakallova.

Çmimi special i jurisë është për filmin “Kurthi” të regjisores Nadezhda Koseva. Kirill Prodanov u shpërblye për kinematografinë e tij të filmit.

Çmimi për regjinë i shkoi Pavel Vesnakov për filmin "Pa erë”. Në ceremoni u bë e ditur se ai u nominua për Çmimet e Filmit Evropian.

"Zvarranikët" e Kristina Spasovska, një bashkëprodhim midis Bullgarisë dhe Francës, u vlerësua si filmi më i mirë me metrazh të shkurtër.