Bullgaria është ndër vendet me më shumë banesa

Bullgaria është ndër vendet me më shumë banesa, duke qenë në vendin e parë mes 24 vendeve evropiane. Sipas Indeksit të fundit Global Property të kompanisë ndërkombëtare të konsulencës “Deloitte”, ka 668 shtëpi për 1000 qytetarë bullgarë. Kështu, Bullgaria ka numrin më të madh të banesave për 1000 banorë në Evropë. Kjo mundëson një fitim të madh nga pasuritë e paluajtshme.

Në 6 muajt e fundit, çmimet e banesave në Sofje janë rritur me 12%, që është një tregues i qëndrueshëm i zhvillimit të tregut të pasurive të paluajtshme në kryeqytetin bullgar. Ofertat e shumta të llojeve të ndryshme të pronave garantojnë investime dhe mbrojnë nga rreziqet që lidhen me përqendrimin e kapitalit në një treg apo në një segment të caktuar, komentojnë ekspertët. Sipas tyre, vendi po kthehet në një destinacion të preferuar për investime në pasuri të paluajtshme.