Do të modernizojnë ndërmarrjen e vetme shtetërore të përpunimit të qumështit "LB Bulgaricum"

Ka filluar modernizimi i bazës prodhuese të ndërmarrjes së vetme shtetërore të përpunimit të qumështit “LB Bulgaricum” në Vidin, siç ishte premtuar nga pushtetarët. Renovimi i bazës prodhuese do të kryhet në faza, njoftoi Ministria e Ekonomisë. Në fillim të shtatorit, pas thashethemeve se ndërmarrja do të mbyllet, ministri i ekonomisë Petko Nikollov vizitoi bazën në Vidin dhe deklaroi se zhvillimi i saj është prioritet kryesor i ministrisë.

Bashkë me modernizimin, për herë të dytë këtë vit rriten edhe pagat e punonjësve në “LB Bulgaricum”.

“LB Bulgaricum” është një kompani shtetërore, pasardhëse e ish-shoqatës shtetërore të biznesit “Industria e Qumështit”. Pas ndryshimeve demokratike, "LB Bulgaricum" fitoi të drejtën për të dhënë jashtë vendit të drejta për prodhimin e kosit bullgar së bashku me tharmin autentik bullgar.