Kryeministri do të marrë pjesë në takimin "Ukrainë-Evropa Juglindore"

Më 9 tetor, kryeministri në detyrë Dimitër Gllavçev do të marrë pjesë në Samitin "Ukrainë-Evropa Juglindore", i cili do të mbahet në Kroaci. Mbështetja për Ukrainën do të jetë në fokus të forumit në Dubrovnik dhe Gllavçev do të riafirmojë qëndrimin e Bullgarisë, e cila vazhdimisht e mbështet Kievin, njoftoi qendra e shtypit e qeverisë .

Ndërkohë, Gjermania nënshkroi një marrëveshje shtesë të kontratës me Diehl Defense - kompania që prodhon sistemet e mbrojtjes ajrore IRIS-T dhe e cila do t’i dorëzojë Bullgarisë komplekset raketore. Aneksi ul çmimin e marrëveshjes për shkak të obusëve të dërguara nga Bullgaria në Ukrainë. Marrëveshja shtesë është nga 7 tetori ndërmjet Ministrisë Federale të Mbrojtjes të Gjermanisë dhe Ministrisë së Mbrojtjes të Bullgarisë, nën iniciativën e BE-së "Mburoja e qiellit evropian".