I bëjnë kompanitë të nënshkruajnë deklarata se nuk do të ketë votim korporativ

Disa nga kompanitë më të mëdha bullgare me mbi 1000 punonjës kanë marrë ftesa për takime në drejtoritë e policisë në vend. Pronarët dhe drejtorët ekzekutivë të thirrur kanë nënshkruar deklarata se nuk do të inkurajojnë votën korporative në zgjedhjet parlamentare, raporton 24chasa.bg. Dialogu me policinë ka qenë i qetë dhe i respektueshëm, konfirmojnë 3 nga kompanitë që iu përgjigjën ftesave. Ata shprehen se është hera e parë që janë objekt i një interesi të tillë dhe hera e parë që firmosin deklarata speciale që depozitohen në komisariatin e policisë. Ministria e Brendshme sqaron se drejtuesit e kompanive në rajonet e përziera janë ftuar për shkak të një sinjali nga lista në faqen e Facebook BG Elves. Aty, në fund të shtatorit, u publikua një listë me 200 emra dhe pseudonime të blerësve të mundshëm të votave.