Bullgaria këmbëngul për barazinë e pagimeve bujqësore në BE

Në Këshillin për Bujqësi dhe Peshkim në Luksemburg, Bullgaria dhe 26 vendet e tjera të BE-së mbështetën kërkesën që Politika e Përbashkët Bujqësore e ardhshme pas vitit 2027 të zgjidhë çështjen e shpërndarjes së drejtë të pagesave në këtë sektor. Ministri bullgar i bujqësisë, Georgi Tahov, i paraqiti këshillit një deklaratë të përbashkët të Bullgarisë, Estonisë, Letonisë, Lituanisë, Polonisë, Rumanisë dhe Sllovakisë, në të cilën këmbëngulin për unifikimin e pagesave direkte në vendet e BE-së, sepse vazhdimi i dallimeve çon në kushte të pabarabarta të tregut. Bullgaria mbështeti kërkesën e Rumanisë për të rritur tavanin individual të shumave nën të ashtuquajturën ndihma ukrainase deri në 560 000 euro për përfitues dhe për të zgjatur zbatimin deri të paktën në vitin 2025. Vendi gjithashtu mbështeti kërkesën e Sllovakisë për të zgjatur me 12 muaj afatin për thithjen e parave në kuadrin e programeve evropiane për periudhën 2014-2022, transmetojnë BTA dhe BGNES.